Zapošljavanje, jedan od najvećih problema Roma i Romkinja

Stalno zaposlenje ima tek pet odsto Roma, 80 posto ih je funkcionalno nepismeno, tri do pet hiljada pravno je nevidljivo. U Nišu prema nezvaničnim podacima živi oko 20 hiljada Roma i Romkinja od kojih je gotovo 90% bez stalnog zaposlenja. Iako ima afirmativnih mera u zapošljavanju, posla nema!

Ovaj prilog nastao je u okviru projekta Romkinje u Srbiji-život iza (ne)vidljivih zidova koje je podržalo Ministarstvo kulture i informisanja. Stavovi izneti u podržanom medijskom projektu nužno ne izražavaju stavove organa koji je dodelio sredstva.

Khuviba ki buti, jek taro em baro problemi taro Rroma thaj Rromnja

Sherutno problemi taro rromano nacionako minoriteti kova ulavi avere manushencar taro Nishi, soj tane bizi buti. Ko Nishi oficialno djivdinena 6996 Roma Thaj Romnja jek tari olende em i Andjela Sulejmanovich , taro beshipasko than Crvena zvezda thaj oj rodela buti te kerol.

Me sijum Andjela Sulejmanovich djivdinava ki familija mle duje phenjencar, phraleja, dadeja mle dajaja thaj mle ćhaveja. Keraja buti me hem mlo phral, mo phral kerela buti sar moleri, mo dad da kerela savina buti, numa khoni naje ole buti za stalno. Mange bi ovolaj but importantno te ovol ma buti basho stalno sebepi taro mlo čhavo.

Me korkori arahava me čhave, ko agorutne 5-6 čhon kerava buti, akana da kerava buti numa odova naje stalno, mange e buti but importantno.

Javinava pe ko biro but droma dji akana, on phendje mange kaj on ka akharen man, ka bičhalen nesavo lil, numa khanči panda.

Tari Nacionaki sluzhba basho keriba buti Filijala ko Nishi, phenena kaj e rromenge azhutinolpe prekalo programi bashi korkori buti te phraven nesavo biznis, numa o gendo taro manusha basho akava biznis naje baro. Gendo taro Rroma kola javinena pe ki akaja sluzhba taano 2 milje manusha, tari olende 40% tane djuvlja.

 Ako keraja lafi taro Nacioanko plano bashi buti, o Rroma tane pendjarde sar kategorija taro manusha kola po phare khuvena pi buti, thaj odova dikhipa tari pozitivno diskriminacija, odova sikavi kaj o Rroma shaj lena thaj ko bilo save amare programija. Isi amen em aver konkursi basho Rroma, kla mangena te keren korkore buti sar jek biznis. Akale bersheste Nacionaki sluzhba bashi buti dol po 200 milje dinarija, akale bersheste sine po buderi interesuipa, akava bersh sine 15 djene, 11 tari olende lilje azhutipa.Akava bersh o gendo po baro, djikaj okova bersh sine 9 djene a samo 6 lilje azhutipa, phenol Vladan Krstich tari Nacionaki sluzba bashi buti.

Ko Forutno kher ko Nishi Darko Bulatovich sherutni taro Foro, ramosardja memorandum e Fondeja basho sikljovipa bashi realizacija taro projekti „Po kolaj te khuven pi buti o terne Rroma thaj Rromnja“.

O Foro Nish khuvela ko shuar programija, kana kerol pe buti ko poshukar than tar jek kategorija manusha. Akana ka ramosara memorandum basho sikljovipa thaj khuviba ki buti taro terne Rroma thaj Rromnja taro Nish.ko agoritne tri bersh o Foro kerdja but bucha em dindja thajra taro plo budjeti basho stipendije thaj te kerol pe Rromano kulturako centro, prekalo Lokalno akciono plano basho Rroma. Numa valjanol te konkurishinipe ko but avera programija, odova sikavi em akava da programi kote kereja baripa, thaj adjkeraja shukar rezultatija, vakerdja e Tijana Djordjevich Ilich forutno vechniko.

Akaja tani dujto faza taro programi, e angluni faza sine ko 2018.bersh. Ki angluni faza ko Nishi podikerdilo 45 terne Rroma kola startuindje angluna praksaja ko Aster, thaj 37 nakhlje struchno djandipa. Taro odola 45 kola sine olen praksa, 18 ačhile pi buti, ki Srbija 148 terne Rroma thaj Rromnja lilje buti, phenol e Natasha Kochich Rakochevich programsko sherutni ko REF.

Andjela Sulejmanovich, phenol kaj sine ola obuka prekalo REF, numa oj tani panda bizi buti!