Sakupljači sekundarnih sirovina ujedinite se!

Republikano sindikati taro manusha kola kedena gunoja osnovimo ko Nishi anglal o 7 bersh, numa ko 29.01.2011.bersh. Ciljo sine te kerol pe organizacija koja ka dikhol da li phadjon o hakaja taro 8 milje manusha kola kedena gunoj, a on tane Rroma. So sar sindikati dji akana kerdje puchljam e prezidento, Shaban Salijvich.

“Dji akana isi amen nomenklatura tari akaja buti, thaj svako manush so kedol gunoj shaj djala ko biro te ljol plo gendo thaj ki bucharni knjizhica ramosarol pe oleske kaj manush so kedol gunoj, numa dji akana khoni na rodindja te phravol bucharno than sar manush so kedol gunoj. Akana keraja jek projekti prekalo GIZ kote dikha thaj evidentirina kobor manusha isi so kerena akaja buti. Ko Nishi isi pilot projekti prekalo kova ka den pe kartice kolencar akala manusha shaj ke registrinine pe. Ako da ove registririme odola manusha naje te nashalen plo hakaj ki socijala. “

O Sindikati valjanite kerol po shukar shaipa bashi akala manusha te oev po sigurne, thaj akava tano jekhutno modeli te akala masha oven organizuime, phenela o profesori Jovanovich.

” But importantno kaj o manusha kola kerena buti khuven ko plo Sindikati, te shaj o Sindikati arakholaj olengoro hakaj ki buti thaj olengere interesija. Thaj odoleske o Sindikati but importantno soske odoja shukar forma tari organizacija kote o manusha shaj te organizuinen pe thaj te roden plo hakaj.”

Akava modeli taro manusha so keden gunoj ki Srbija ka ovol hem ki Crna Gora. Numa ko nakhlo ćhon, ulo sindikati. Ko formiribe tari akaja asocijacija than lilja o Osman Balich, prezidento taro YUROM centar.

“Amen anglal nekobor kurke ko Bar ki Crna Gora formirindjam Republikano Sindikati taro manusha kola kedena gunoj ki Crna Gora premalo amaro ki Srbija. O manusha odori mangena te keren amalikane buti, thaj odori isi po baro problemi soske khoni ni kinol e PET ambalazha, ani rashtra koja peske phenol kaj ekoloshko! Thaj odova tano jek bucharno shaipa kova e rashtra, rromane NGO thaj ekologikane NGO dikhlje rodindje amaro zhutipa, kote amen olenge azhutindjam te keren akava Sindikati ki Crna Gora.

Ovaj tv paket je deo projekta “Roma Fokus” koji sufinansira grad Niš, a realizuje produkcija Roma World.