Požar u naselju Crvena zvezda

U naselju Crvena zvezda u Nišu ponovo je došlo do požara. Na svu sreću bez ljudskih žrtava, ali materijalna šteta nije mala, uzrok požara je sveća!!! Podsećanja radi, ovo naselje je gotovo 40 dana bez struje, 110 domaćinstava!

Ovaj Tv paket je deo projekta „Romska Reč – Rromano Lafi“ koji je sufinansiran sredstvima iz budžeta grada Niša, na osnovu konkursa za sufinansiranje medijskih sadržaja u 2018.godini.

Bari jag ko beshipako than Crvena zvezda

Ko nakhlo kurko alo dji e bari jag ko beshipasko than Crvena zvezda, ki bari bah manusha na sine dukhavde. Numa Ko 23 o sahati thaj 15 minutaia o kher taro Trajko Aerovich ano kupatilo startuindja te thabljovol.

Amende dji ko 45 dive naje amen struja. Mi ćhaj kola isi 13 bersh gelji te nadjovol thaj bisterdja e mumeli ko kupatilo te aćhavol, o sahati sine 23 thaj 50. Bari jag sine, sovamaj me mi ćhaj, mi rromni me unukija, baro thuv sine, ikljiljam nesar al but phare sine, phenol o Trajko Aerovich.

O komshija Ekrem Osmani, phenol kaj sebepi so djividena ki tamina, andaro jek drom shundja galama, thaj dikhlja jag, thuv.

Khoni akharda vatrogascija, kaljardi, hitna pomoch, kola odma ale, numa ki bah na sine dukhavde manusha. Akava naje shukar o Trajo jedva spasindja ple unukijen! Sebepi tari akaja jag so naje amen struja, amen da nashti bizi struja, a ni o ćhave da nashti, but phare akava djivdipa, phenol o Ekremi.

Nakhle kurkeste o UPSS organizuindja protest anglal e nishko didtribucija e manushenavvar kola naje ko mangipa buchaja so kerol i distribucija. Ko NIshi 2500 familije djivdinena bizi struja!

But vakeripa isi, jek manush mulo so nashti sine te ljol e terapija bizi struja, jek daj pe ćhaveja kole isi astma djala kotaro mokshije te ukljuchinol ki struja o aparati te shaj o ćhavo ljol soluko, but adjahar vakeripa shundjam, amen kerdjam analiza tari distribucija ko amare kedinipa, but bucha dindjam ko krisi, numa on na kerena pli buti, dji akaj amen kerdjam sa soj dji amende, phenol o profestori Jovanovich.

But shukar djanol pe kaj o beshipasko than Crvena zvezda but sigate ka raselinol pe, thaj o manusha ka dobinen khera te djivdinen. Anglal o duj bersh da sine bari jag, ki bah nasine dukhavde manusha, akana da na sine dukhavde manusha, numa na djanjol te te na anol o evol shaj pale ovol dji e bari jag thaj khoni te merol! Odova li valjani bashi distribucija thaj rashtra te akale manushenge mukhen e struja? Basho sa o problemija isi dijalog, pacha kaj ka beshol pe ko astali thaj akava jagalo problemi so po sig anol pe ko reso!!!

Akava Tv paketi kotor taro projekti „Romska Reč – Rromano Lafi“, kova sufinansirimo thajrencar taro forutno budžeti, ko fundo taro konkursi basho sufinansiriba taro medijsko sadrzhaj ko 2018.bersh.