Budzet GO Crveni krst restriktivan, ali donekle sagledava probleme gradjana!

Forutni komuna Crveni krst tani ki površina taro 181,53km kote djivdinena 33.442 manusha hem odova ko 23 gavenge thaj trin forutne jedninice. Ko vakeripa e prezidentoja tari akaja komuna liljam informacija kaj o budžeti basho 2018 bersh 133 milionija dinarija ki osnova numa 223 milionija dinarija sebepi so dindjepe tharja basho projektija kola kerenape e bulgarijaja. Nevo budjeti kao ovol restriktivno numa realno phenol o prezidento Milutinovich.

Basho budjeti shaj te phenav tumenge sebepi so o 2018 bersh da ka ovol bersh tari stabilizacija thaj shtednja sar so sine akaja da 2017, akana amenge o budjeti po tikno basho 18 milionija taro foro, so ka dićhol ko sa amare prioritetija. Amaro prioriteti tano komunalno infrastruktura, sicijala thaj terne manusha thaj odothe amen da ka tiknjara o budjeti. E socijala tiknjardjam basho 1,3 milionija dinarija, isi amen baro chororipa ki amari teritorija, isi amen taro 2,5 dji ko 3 milje Rroma ki amari teritorija, amare gava da chorore, ka dikha odova chororipa te tiknjara prekalo azhutipa ko thajra, thaj e komuna odova azhutipa na dol numa o centro bashi socijalno buti, a amen olange ka pokina, vakerol prezidento tari akaja komuna.

Kana ko puchipa e infrastruktura ki Beograd mahala o prezidento phenol:

Amen djana basho odova problemi thaj ob amenge ko prioriteti ko 2018 da bersh numa nashti kera khanchi, soske naje amen thajra, ko 2019 bersh shaj ka ovol po shukar, adhajar phenol profesori Milutinovich.

Ovaj tv paket je deo projekta “Roma Fokus” koji sufinansira grad Niš, a realizuje produkcija Roma World.